تخصّص مختص في العلاج الطبيعي و الفيزيائي

ما هو هذا التخصّص؟

🔹 مدة الدراسة: 3 سنين فقط

🔹 المنصب: مضمون مباشرة بعد التخرج ✅

🔹 بعد 7 سنين خدمة في القطاع العمومي تقدر تحل عيادتك الخاصة 💡

🔹 الأجر يبدأ من حوالي 50,000 دج إلى 57,000 دج (5 إلى 5.7 ملايين سنتيم) في الشمال، ومعاها مردودية تقارب 3 ملايين كل 3 أشهر. ويرتفع هذا الراتب بشكل ملحوظ في مناطق الجنوب والصحراء والمناطق المعزولة بسبب منحة المنطقة.

القبول والمعدّلات

📌 معدلات القبول: تختلف حسب الولاية وحسب المناصب لي تفتحهم الدولة. العام لي فات:

🔸 الشمال: من 16 حتى 17

🔸 الجنوب: من 15 وطالع

عدد المناصب محدود بزاف: من 2 حتى 8 أشخاص كحد أقصى في كل ولاية، هاذي حاجة تخلي السوق ديما فيه فرص وتقدر تخدم في البريفي.

✅ الشعب المقبولة: علوم تجريبية ← رياضيات ← تقني رياضي

🔹 الأولوية دائما لشعبة علوم تجريبية. رياضيات و تقني رياضي: ما يفتحولهمش ديما، وكي يفتحولهم يقبلوهم بمعدل عالي بزاف (وصل حتى 18 في بومرداس) ويقبلو زوج بالكثير.

المعدّلات مؤشّر من سنوات سابقة وتتغيّر كل سنة بحسب عدد الناجحين ورغباتهم — لا تعتبرها ضماناً.

ما يجب أن تعرفه قبل الاختيار

تحتاج جهد عضلي كبير، يعني لازم gym باش تحافظ على صحتك 🤌🏻

لازم تخدم 7 سنين مع الدولة باش يسمحولك تحل وحدك 💔

التعليم ناقص بزاف مقارنة بالخارج: هنا يقراوك في 3 سنين برنامج يقراوه
الناس في الخارج في 4 ولا 5 سنين!

تخصص مطلوب برة، بصح باش يقبلوك لازم تعاود من جديد، يفوتوك امتحان يعاود
يحدد مستواك وغالبا تزيد تعاود تقرا من عامين حتى 3 سنين للأسف 👍

التخصص فيه ضغط كبير، كل سمانة عندك Examen، والمعلومات بزاف بزاف (كيما
قلتلكم: حشو معلومات تاع 4 سنين يقروهالك في 3 سنين) 🥲

المهمات والمجالات

🔵 مهمتك: ترجع أي شخص فقد القدرة على الحركة لحياتو العادية. تخدم في كل المصالح:

الإنعاش (réanimation)

الأطفال (pédiatrie)

الكسور و الإصابات (traumato)

القلب و التنفس (cardio respiratoire)

التأهيل ما بعد العمليات والجراحات

تأهيل النساء الحوامل قبل الولادة لتسهيلها

الكيني ريسبيراتوار للناس لي عندهم مشاكل تنفسية كيما الربو (asthme)

الخلل العصبي كيما AVC ولا أمراض عصبية أخرى

تأهيل المسالك البولية

كيني سبورت ⚽ تأهيل الرياضيين بعد الإصابات، وتقدر تخدم مع فريق رياضي وفي
نفس الوقت عند الدولة وفيها مردودية طبعا 🐱

🔵 بصح ما يتوقفش هنا! المجال واسع وما نقدرش نحط كلش فبوست واحد، بصح هاذي هي أهم الحاجات لي لازم تعرفها على الكيني.

إنسانية المهنة

❤️ العمل إنساني بزاف: شعورك كي ترد شخص يمشي بعد ما كان عاجز، ولا ترد طفل صغير يحرك يديه ويلعب كيما أي طفل… والله شعور ما يتعوضش ❤️

التخصصات الطبية ديما فيها دعاوي الخير.

معهد أدرار

الولاية (مكان الإقامة) معدل القبول 2025 أدرار14.71 تمنراست14.21 تيميمون14.90 برج باجي مختارNC إن صالح12.31 / 13.57 إن قزام12.65

معهد باتنة

الولاية (مكان الإقامة) معدل القبول 2025 أم البواقي16.28 باتنة16.79 تبسة15.78 / 16.55 خنشلة16.58

معهد بسكرة

الولاية (مكان الإقامة) معدل القبول 2025 بسكرة16.25 الوادي16.18 أولاد جلال14.79 توقرت15.98 المغير13.81

معهد بشار

الولاية (مكان الإقامة) معدل القبول 2025 بشار15.76 البيض15.40 تندوف14.32 بني عباس14.69 / 12.50

معهد البليدة

الولاية (مكان الإقامة) معدل القبول 2025 الأغواط16.27 البليدة16.26 الجلفة16.19 المدية16.55 عين الدفلى16.57

معهد العاصمة

الولاية (مكان الإقامة) معدل القبول 2025 البويرة16.57 / 17.29 تيزي وزو16.14 الجزائر العاصمة16.70 بومرداس16.62 تيبازة16.37

معهد جيجل

الولاية (مكان الإقامة) معدل القبول 2025 جيجل16.39 سكيكدة16.37 عنابة15.83 الطارف15.53

معهد سطيف

الولاية (مكان الإقامة) معدل القبول 2025 بجاية15.83 سطيف16.60 برج بوعريريج16.48 / 17.40 ميلة16.48

معهد معسكر

الولاية (مكان الإقامة) معدل القبول 2025 تيارت16.50 سعيدة15.92 معسكر16.21 تيسمسيلت16.13

معهد سيدي بلعباس

الولاية (مكان الإقامة) معدل القبول 2025 تلمسان16.49 سيدي بلعباس16.19 النعامة15.95 عين تموشنت16.32

معهد ورقلة

الولاية (مكان الإقامة) معدل القبول 2025 ورقلة15.37 إليزي14.88 غرداية16.03 جانت10.01 المنيعة15.47

معهد وهران

الولاية (مكان الإقامة) معدل القبول 2025 الشلف16.62 مستغانم16.07 وهران16.40 غليزان16.61

الراتب والمنح

💰 الراتب الابتدائي (شمال البلاد): يبدأ من حوالي 50,000 دج إلى 57,000 دج (5 إلى 5.7 ملايين سنتيم) فما فوق شهرياً حسب التخصص.

💰 الجنوب والمناطق المعزولة: يرتفع الراتب بشكل ملحوظ ويتجاوز ذلك بكثير بفضل منحة المنطقة والامتيازات الخاصة بالعمل في الصحراء والمناطق النائية.

طريقة الدراسة

✨ كيفاش نقراو؟

الدراسة عملية ونظرية، من عامك الأول تبدا تدير تربص (ستاج) في المستشفى مباشرة 👨‍⚕️

نصيحتي ليك

🔚 نصيحتي ليك:

نديرها ولا لا؟ بصراحة القرار قرارك. ما تديرش تخصص على جال دراهم، وما تديروش على جال الناس قالولك مليح. انتا شوف عقلك وقلبك: تحب الميدان ولا لا؟ التخصص هذا فيه إنسانية كبيرة والفرص موجودة لي يحب يخدم على روحو.