تخصّص مرمم الأسنان للصحة العمومية

الخلاصة

إذا تحب التفاصيل الدقيقة وعندك حس جمالي وصبر وحرفية… مرمم الأسنان تخصص يليق بيك!

يرجع الثقة والابتسامة للناس… ويخليك تساهم في صحتهم وجودة حياتهم. 🦷✨

ماهو مرمم الأسنان؟

تخصص شبه طبي — الشعب المقبولة: علوم تجريبية ← رياضيات ← تقني رياضي (مُعاد 2025)

يخدم دور أساسي مع طبيب الأسنان لتحضير وتصليح التعويضات السنية.

التكوين يدوم 3 سنوات في معاهد التكوين العالي شبه الطبي (IFPS).

معدل القبول يختلف: من 14 حتى 16 حسب الولاية.

واش يدير مرمم الأسنان؟

✅ مهامه الأساسية:

1️⃣ يخدم تعويضات الأسنان: التيجان (couronnes)، الجسور، الأطقم المتحركة والثابتة.

2️⃣ يخدم على طبعات الأسنان اللي ياخذها الطبيب من فم المريض.

3️⃣ يستعمل مواد متخصصة كيما الأكريليك، المعدن، السيراميك، الزيركون.

4️⃣ يهتم بالجمالية والراحة: التركيبة لازم تكون طبيعية ومريحة.

5️⃣ يصلح التركيبات اللي تتكسر ويرجعها جديدة.

وين يخدم مرمم الأسنان؟

🔹 يخدم في مخابر المستشفيات العمومية.

🔹 يتعامل مباشرة مع أطباء الأسنان.

🔹 الخدمة مضمونة بعد التخرج ومافيهاش ليڨارد ولا مناوبات ليلية.

🔹 بعد 7 سنوات خدمة يقدر يفتح مخبر خاص ويتعامل مع العيادات والمرضى مباشرة.

معهد بسكرة

الولاية (مكان الإقامة) معدل القبول 2025 أم البواقي15.60 باتنة15.98 بسكرة15.83 تمنراست13.50 تبسة14.99 ورقلة14.71 إليزي12.23 الوادي15.91 خنشلة15.23 أولاد جلال14.53 إن صالح13.57 إن قزام14.13 توقرت15.54 / NC جانتNC المغير14.20

معهد البليدة

الولاية (مكان الإقامة) معدل القبول 2025 الأغواط15.22 البليدة16.28 البويرة15.53 تيارت15.78 الجلفة15.64 المدية15.90 المسيلة16.09 تيسمسيلت16.10 تيبازة16.24 عين الدفلى16.07 غرداية15.98 المنيعة12.88

معهد العاصمة

الولاية (مكان الإقامة) معدل القبول 2025 بجاية15.42 تيزي وزو15.35 الجزائر العاصمة16.45 جيجل15.73 سطيف15.73 سكيكدة16.07 عنابة15.53 قالمة16.02 قسنطينة15.88 برج بوعريريج16.12 بومرداس16.43 الطارف15.51 سوق أهراس16.03 ميلة16.50

معهد وهران

الولاية (مكان الإقامة) معدل القبول 2025 أدرار14.28 الشلف16.05 بشار16.54 تلمسان16.01 سعيدة16.63 سيدي بلعباس15.77 مستغانم15.58 معسكر16.38 وهران16.25 البيض16.28 تندوف13.88 النعامة15.85 عين تموشنت16.19 غليزان16.03 تيميمون15.07 برج باجي مختارNC بني عباس12.52

آفاق الترقية

🔸 يبدأ كمرمم أسنان للصحة العمومية.

🔸 يقدر يطور مهاراتو ويولي عندو مخبر خاص بعد سنوات خبرة.

🔸 يتعاون دايمًا مع أطباء الأسنان والتقنيين المتخصصين.

مميزات التخصص

🔸 يجمع بين الدقة والحرفة والفن.

🔸 عمل ثابت ومطلوب ديما لأن مشاكل الأسنان ما تخلصش.

🔸 بعيد عن الدم والجراحة، شغلو أنظف من بعض التخصصات.

🔸 يعطيك فرصة عمل حر مستقبلاً.

الراتب والمنح

💰 الراتب الابتدائي (شمال البلاد): يبدأ من حوالي 50,000 دج إلى 57,000 دج (5 إلى 5.7 ملايين سنتيم) فما فوق شهرياً حسب التخصص.

💰 الجنوب والمناطق المعزولة: يرتفع الراتب بشكل ملحوظ ويتجاوز ذلك بكثير بفضل منحة المنطقة والامتيازات الخاصة بالعمل في الصحراء والمناطق النائية.